Йўқтур

Кўзунгдек кезгучи айёра йўқтур,

Қошингтек бир пари маккора йўқтур.

Фусунлар бирла ер ғамзанг жигарни,

Анингтек ҳам яна хунхора йўқтур.

Кўзунгдек кезгучи айёра йўқтур,

Қошингтек бир пари маккора йўқтур.

Фусунлар бирла ер ғамзанг жигарни,

Анингтек ҳам яна хунхора йўқтур.

Сени кўрмай ўларман гар йўлуқсам,

Жунундин тоқати наззора йўқтур.

Кичик оғзинг ғаминда ошиқингға,

Улуқ тинмоқдин ўзга чора йўқтур.

Кўнгуллар дардиға гар чора қилсанг,

Менингтек дунёда бечора йўқтур.

Нетар лола туруб ёбонда мунча,

Уётингдин агар овора йўқтур.

Жафо кўп қилмаким кўнглунг масаллик,

Бу Лутфий жони сентек хора йўқтур.

Кўзунгдек кезгучи айёра йўқтур...